(Þessi hljómsveit var stundum kölluð Old Man & The Rent Boys)
Einu sinni var hljómsveit sem hét því gríðarlega frumlega nafni Dr. Gunni. Grímur, Gummi og Kristján Freyr voru auk mín í sveitinni og okkur tókst að koma út plötunni Stóra hvelli, stórfenglegu meistaraverki sem alltof fáir heyrðu. Það gerðist árið 2003, svo til að halda upp á 9 ára afmæli komum við saman aftur á Gauknum fimmtudaginn 24. maí og tökum nokkur lög.
Þetta eru afmælistónleikar fyrir Wim Van Hooste, Belga sem er forfallinn Íslands-áhugamaður og er sérstaklega áhugasamur um íslenska músík – hefur haldið úti ýmsum netmiðlum þar að lútandi, m.a. Icelandic Music þar sem nú má sjá nokkur ný kóverlög af Rokkinu. Tónleikunum er einnig ætlað að halda upp á 30. afmæli Rokks í Reykjavík og taka öll böndin a.m.k. eitt lag af Rokkinu. Boðið er upp á úrvalsdagskrá, auk Dr. Gunna koma Sudden Weather Change, Q4U, Æla, Mosi Frændi, Morðingjarnir, Hellvar og Fræbbblarnir líka fram.
Subbulega snargeðveikt allt saman.
Ég er búinn að bóka far og mæti galvaskur !!!! Þetta er eitthvað sem maður vill ekki missa af , svo mikið er víst.
Rosalega verður gaman – sérstaklega þegar Herra Akureyri mætir!