Látiði Einar Ben vera!

1 nov

400px-Einar_Benediktsson.ice_
Hefði Einar Ben ekki fengið alzheimer og dáið 1940 hefði hann haldið upp á 150 ára afmæli sitt í gær. Þetta var alltaf rosa hefí náungi með allt á herðum sér. Alltaf í einhverju framkvæmdarugli sem hann rann á rassgatið með, svaka íslenskt, svona eins og allt þetta lið sem er alltaf að rembast eitthvað – „athafnaskáld“. Ljóðin hans eru jafn þunglamaleg og allt annað, alls ekki nógu spennandi hraundrangaharmræpa til að maður nenni að setja sig inn í þau. Bömmer-skáld dauðans og aldrei neinn húmor.

Nú á að fara að eyða 15.000.000 úr hriplekum sjóðum almennings til að flytja styttuna af Einari á Klambratúni að Höfði house. Þetta er auðvitað algjört rugl og algjör steypa. Er enginn sem getur flutt eina helvítis styttu fyrir minna en 15 millur? Og svo er Einar fínn þar sem hann er, þó ekki nema fyrir poppsögulegu tenginguna. Þannig var nefnilega í gamla daga að hljómsveitin Ævintýri með Bjögga Halldórs í fararbroddi var að spila í Tónabæ (365-húsinu). Eftir gigg var svo mikil stemming í liðinu að bandið tölti niðrá Klambratún með krakkahjörðina á eftir sér. Svo var spilað við og á styttunni. Þetta er einhver mesti heiður sem skáldinu hefur verið sýndur, þótt hann hafi eflaust tekið nokkra hringi í gröfinni í vandlætingarkasti yfir þessu, væri slíkt hægt.

Facebook-uppfærsla frá Bjarka Karlssyni: Önnur mikilvæg poppsöguleg tenging sem myndi glatast við flutninginn er svo texti Spilverksins: Þeir gengu Miklubraut og hittu Einar Ben. Skáldið er alltaf í frakkanum, aðhnepptum, hnésíðum. Einar er ein af styttum bæjarins sem enginn nennir að horfa á. Grey stytturnar. Aleinar. Á pöllunum. „Þeir gengu Borgartún“ er bara ekki að virka.

0319-Ævintýri-hljómsveit unga fólksins

2 svör to “Látiði Einar Ben vera!”

  1. Hjörtur Geirsson nóvember 2, 2014 kl. 12:54 f.h. #

    Mér finnst Gunnar að fólk sem er meira gefið fyrir grín og jólasveinagang, hallærislegt og lítt andlega innblásið, ætti að hætta að ónáða snillinga með svona ávarpi.Popparar eru bara fávitar með stæla við listamenn.

  2. Doktor Sigmundur Gunni Dre apríl 14, 2015 kl. 3:33 e.h. #

    Sammála dr. G, algjört rugl að færa þessa styttu. Hún er auk þess forljót, eins og barn hafi búið hana til (með fullri virðingu fyrir bernskri list).

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggers like this: