Í iðnaðarhverfinu í Hfn kom ég að þessum ýkt töff kagga. Hann þarfnast viðgerðar eins og sjá má.
Bíllinn er merktur í bak og fyrir. Á honum eru fögur skylti sem á stendur Galaxie, Skyliner og Fairline 500.
Eftir gúggl hefi ég komist að því að þetta er 1959 módel af Ford Fairlane 500 Galaxie Skyliner – 1843 kíló af töffi á hjólum frá þeim tíma er menn höfðu ekki ennþá stigið á Tunglið og voru voða lítið að spá í kolefnisjöfnun. Þetta er svo mikið bjútí að maður getur haft hann inn í stofu. Vona að hann sé ekki á leiðinni á haugana!
ps – indienördar geta svo auðvitað samsvarað sér með þessum bíl því eitt aðal indiebandið í kringum 1990, Galaxie 500, nefndi sig eftir svona bíl.
DR. GUNNI 
Á æskuminningar úr sveitinni um 57, Ford Fairlane 500 sem foreldrar mínir áttu þegar ég var fimm og sex ára. Man ennþá hvað það var þægilegt að sitja í honum á ferðinni. Sjúklega flottir bílar og ég á mér þann leynda draum að gera einn slíkan upp einn daginn.
Þá er nú upplagt að bera víurnar í þennan.
Ef ég man rétt þýðir „Skyliner“ að toppurinn gengur ofan í skottið, með rafmagni að sjálfsögðu.
skelfilegur trailer en nafnið er tengt bílnum.