Markhópur mellna

25 Okt


Mellur eru nú mikið á milli tannanna á fólki og sýnist sitt hverjum. Ekki eru allir á einu máli um tilverurétt þessarar elstu-starfsstéttar-í-heimi™ enda talið nær öruggt að í lang flestum tilfellum vildu mellur gera eitthvað allt annað en að mellast, t.d. vinna í banka, fást við mannauðsstjórnun eða sjá um grendarkynningu – ef það væri jafn vel borgað. Ég segi það fyrir mig að ekki vildi ég vera mella (enda eftirspurn í lágmarki) og ekki vildi ég að neinn sem mér er kær væri mella. Ég vil nú svo sem ekki heldur að neinn sem ég þekki gangi í Framsóknarflokkinn, en með því er ég ekki endilega að segja að það séu mellur í Framsóknarflokknum.

Ég er svo góður að ég vil að allir fái sem mest út úr lífinu í eintómri hamingju og gleði. Það inniheldur mjög líklega ekki að vera notaður sem ílát undir vessa. En ég get svo sem ekkert fullyrt um það og nú nú, ef svo vill til að fyrir einhverja sé lykillinn að hamingjunni (les: rífandi tekjur) að láta menn af götunni ríða sér þá er það ekki mitt hlutverk að standa í vegi fyrir því. Ég lít ekki á samslátt líffæra í mitti sem eitthvað heilagt fyrirbæri sem allt annað siðferði byggir á, sama hvað Biblían segir. Fullorðið fólk má gera það sem því sýnist og það böggar mig ekki neitt hvað fólk gerir heima hjá sér, eða í húsasundum, fyrir peninga eða ekki.

Takið eftir að hér er ég hvorki að blessa mansal né ógeðslega þriðja aðila, sem græða á mellum, heldur hina svo kölluðu hamingjusömu hóru™, sem er annað hvort til í alvöru eða er bara ímyndun.

Markhópur mellna er graðkarlar. Mellur munu líklega mellast um aldir alda nema einhvers konar lyf verði fundið upp sem dempa greddu í fáránlegum karlpungum, eða a.m.k. lyf sem beina greddunni inn á æskilegri brautir femínískrar ábyrgðartilfinningar. Þessi lyf mætti t.d. setja í bjórkúta á stöðum þar sem graðkarlar hanga yfir fótboltaleikjum.

Því allir menn, nema þeir sem ljúga því, eru óæskilegir graðkarlar og ætti helst að geyma í búri. Ég er ekki að ljúga neinu þegar ég fullyrði að hver einasti karlmaður  með eðlilega hormónastarfssemi hugsar um fátt annað allan liðlangann daginn en hvar hann geti otað sínum aumkunarverða tota og hvar slett skyrinu. Brundfullt karldýrið vill losa enda fylgir því engin ábyrgð. Hjá móttökuaðila erum við hins vegar að tala um 9 mánuða meðgöngu, 1-2 ár á brjósti og 18 ár af tölvuleikjum. Kynin eru bara ekki samanburðarhæf að þessu leiti – spurðu bara kettina.

Sé karl ljótur eða feiminn og inn í sig eða nennir bara ekki að standa í einhverju veseni og kjaftæði af því hann þarf að losa strax, koma mellurnar sterkar inn. Ég þekki fullt af körlum sem hafa „fengið sér mellu“ á meðan þeir voru singöl (í útlöndum – enginn sem ég þekki er svo vitlaus að hafa staðið í þessu hér) og get staðfest að þetta eru ekki slefandi viðbjóður heldur bara venjulegir sígraðir karlar. Kannski einhver þeirra líti á sig sem fórnarlamb eigin greddu, eins og hann Þórbergur í kirkjugarðinum, ég bara veit það ekki. Merki um skömm og fyrirlitningu er a.m.k. ekki það sem karlpungarnir hafa sýnt þegar þeir hafa sagt mér frá melluferðinni. Svo sem ekki viðurstyggilegan gorgeir yfir þessu heldur, frásögnin var bara hlutlaus og blátt áfram af viðskiptum tveggja fullorðna eintaklinga, eins ömurlegt og það hljómar.

Frekari femíniska lesningu úr mínum ranni má fá hér: Geirvörtur og Fagra kvenveröld – en sú grein vakti mikla lukku, enda dregin upp fögur framtíðarsýn þar sem kvenleg gildi hafa loks sigrað hinn ljóta graðmann.

Auglýsingar

22 svör to “Markhópur mellna”

  1. Birna M október 25, 2011 kl. 9:34 f.h. #

    Stórasystir er víst að auglýsa eftir þessari hamingjusömu hóru. Ef til væri sú kona sem getur staðið undir sjálfri sér á þennan hátt og þarf ekki að borga meirihlutann af því til einhvers loðins rudda sem gerir hana út og lemur hana ef hún gerir það ekki, þá væri svosem ekkert slæmt um það að segja er það ekki. Ef hún væri bara í þessari vinnu af því henni finnst það svo ofsalega gott.. og getur hirt allan peninginn sjálf..

    • Karl J. október 25, 2011 kl. 2:01 e.h. #

      Hugsa að ef HH sé þarna úti þá hafi hún ekki mikin áhuga á að gefa sig fram við SS. 😉

  2. Gorgeir október 25, 2011 kl. 9:49 f.h. #

    Ný samskiptatækni hefur stórfækkað dólgum, sem þykir töluverð framför í bransanum.

  3. Inga október 25, 2011 kl. 10:42 f.h. #

    Gunni, heldurðu að þetta sé í raun og veru graðkallar? Eru þetta ekki einfaldlega latir og hugmyndasnauðir karlar (eða ógeðslega mislukkaðir á annan hátt) sem þurfa að borga fyrir að láta „dúlla“ við sig. Hinir flínku eru eftirsóttir og fá nóg kynlíf OG ánægju án þess að borga.
    Gorgeir – nákvæmlega!

  4. drgunni október 25, 2011 kl. 10:48 f.h. #

    Erfitt að alhæfa um allar þær milljónir (milljarða) sem hafa keypt sér mellu í gegnum aldirnar eins og það er erfitt að alhæfa um allar mellur sögunnar. Eitt er þó hægt að alhæfa um þá: Já, allir sem keyptu sér mellu voru graðkarlar.

  5. Elfa Jóns október 25, 2011 kl. 10:55 f.h. #

    Má ekki segja það sama um þjófa … þeir hafa alltaf verið til og verða áfram.
    Eigum við þá ekki að hætta að böggast í fólki sem stelur?
    Viðurkenna að þetta sé bara náttúrulögmál eins og stjórnlaus kynlífsþörf karlanna.

  6. drgunni október 25, 2011 kl. 11:05 f.h. #

    Ööö, jú jú, einmitt. Þetta er nákvæmalega það sama. Áfram stelpur!

  7. Atli október 25, 2011 kl. 11:40 f.h. #

    Ég hef aldrei skilið þessa fullyrðingu um að sú sem selur sig sé „lægra sett“ í samskiptum sínum við kúnnann.

    Myndi frekar halda að sá sem þurfi að borga fyrir kynferðislega snertingu við aðra manneskju sé meiri lúser, heldur en sá sem getur gert kynþokka sinn að söluvöru og báðir aðilarnir séu meðvitaðir um það. Svona fyrir utan einhverja ógeðslega kínkí rudda.

    Frekar vandræðalegt fyrir karlkynið að margir okkar, séu í stórum stíl að punga út stórfé til kvenna svo að þær geti hugsað sér að snerta okkar, loðnu, feitu og sveittu líkama.

    Hins vegar er alveg magnað að eftirspurnin eftir vændi skuli væri svona mikil hér á landi þar sem að framboðið af fallegum íslenskum konum, fullum af frigð virðist vera príðilegt og oftar en ekki, fær maður að kúra með þeim til næsta morguns.

  8. Elfa Jóns október 25, 2011 kl. 2:26 e.h. #

    Ég reyndar leyfi mér að draga verulega í efa þessa graðkallakenningu þína. Það er mikil mýta að allir karlmenn séu síóðir í kynlíf. Þeir láta alltaf eins og þeir fái aldrei nóg … líka þeir sem ekki nenna að sofa hjá.

    Konur tala gjarnan hver við aðra, um ástand þessara mála heima fyrir. Það er bara nokkuð algengt að þær telji sig líða skort á þessu sviði heimavið. Og nei … það eru ekki bara gamlar og feitar breddur … heldur líka ungar og sætar stelpur.

    Merkilegt nokk hef ég heyrt kærasta þessara sömu kvenna taka fullan þátt í leiknum „ég fæ ekki nóg kynlíf heima fyrir“ þegar karlarnir grobba saman.

    • Ásgeir október 25, 2011 kl. 2:30 e.h. #

      ég elska samsæriskenningar 50% mannkyns um hin 50% prósentin, alltaf svo marktæk þýði í anecdotal gagnasöfnunum sem einkenna þessar kenningar

      • Elfa J-ons október 25, 2011 kl. 3:49 e.h. #

        Í hverju felst samsæriskenningin?

        Ég er bara að efast um að Dr.Gunni viti hvernig ALLIR menn hugsa og haga sér. Ekki frekar en neinn sannleikur er til um allar konur.

        Dæmin sanna að kenning hans heldur ekki vatni.

  9. Elías Halldór Ágústsson október 25, 2011 kl. 2:46 e.h. #

    Með sömu rökum má segja að þar sem alltaf verði til ráðríkt fólk þá sé tilgangslaust að banna þrældóm.

    Ennfremur getur vændisbann varla talist neitt inngrip inn í líf þegnanna, enda gengur ríkisvaldið mikið lengra en það í mjög mörgum tilfellum. Hérlendis er t.d. bannað að tína upp litla brúna sveppi af umferðareyjum og borða, jafnvel þótt það athæfi krefjist ekki þáttöku neins nema þess eina sem það framkvæmir. Þannig má segja að ríkisvaldið hafi tekið sér langtum víðtækari heimildir til að ráðskast með líf borgaranna en að banna vændi.

    Vændi er í raun bara einkenni af mikið stærri vanda mannkyns sem þarf að útrýma og það er skortur á almennri virðingu gagnvart náunganum. Það þarf ekki að velkjast í neinum vafa um að hægt verði að útrýma hvorttveggja, enda hafa mikið stærri breytingar orðið á hugarfari, siðvenjum og háttum fólks og það jafnvel á sögulegum tímum.

    • Jóakim október 25, 2011 kl. 11:48 e.h. #

      Ertu sem sagt að segja ef að þessir ráðríku fara að halda þræla þá eigi sama að gilda og í þessum frábæru vændislögum; að það verði ólöglegt að vera þræll en löglegt að halda þá?

  10. Ari október 25, 2011 kl. 2:47 e.h. #

    Eftirspurn í lágmarki eftir þinni þjónustu segirðu, ég held það ekki ef maður á að dæma eftir þessu http://www.youtube.com/watch?v=H9lsUUGM-OY

    p.s. var ekki annars catalina ncogo hin hamingjusama hóra? (þ.e. þegar hún seldi sig, ekki aðra)

  11. Kjartan Kjartansson október 25, 2011 kl. 3:55 e.h. #

    Þessi skrif þín Gunni eru hreinar ærumeiðingar á það sem ég tel vera meirihluta karla.

    Mér a.m.k. sárnar hvernig þú talar um mig og karlkyns vini mína.

    „Graðkarlar“ er einhverskonar frík skv. þinni skilgreiningu og er ekki lýsandi fyrir menn sem vilja láta gott af sér leiða.

    Ekki bara í lífinu, heldur líka í kynlifinu.

    Það er gott að gera öðrum gott og sú ánægja endurspeglast best í hvernig menn (og ég vil meina flestir menn) lifa kynlifi.

    Það er gott að vinna í fullnægingu hins aðilans og þessi vinna felur í sér virðingu fyrir hinum aðilanum og því sem verið er að gera.

    Þér finnst það kannski ekki merkilegt en ekki gera mér upp þær skoðanir og ekki gera lítið úr því sem mér finnst nánast heilagt.

    Fólk sem vill selja sig má selja sig. Það er ekki nema brotið sé á því að einhver kærir og þá er sökin hjá kaupandanum = það er komin krafa á að hann geri ekki einhvern viðbjóð við hóruna.

  12. Gunnar október 25, 2011 kl. 5:15 e.h. #

    Ég held að vandamálið við hina HH sé ekki athöfnin sjálf heldur viðhorf þjóðfélagsins til starfs hennar.

    Þjóðfélagið dæmir hana fyrir það sem hún gerir og sá dómur er í rauninni það eina sem gerir athöfn hennar ranga.

    Fyrir mér er það því þjóðfélagið sem hefur rangt fyrir sér en ekki hún með því að gera athöfnina kynlíf eitthvað heilagari en aðrar athafnir. Þjóðfélagið er því drullu fordómafullt.

  13. drgunni október 25, 2011 kl. 6:14 e.h. #

    Ægileg viðkvæmni er þetta. Þetta er blogg, ekki skýrsla frá Landsdómi. Eru ekki allir í stuði annars bara?

    • Jói október 25, 2011 kl. 7:14 e.h. #

  14. Kaldi október 25, 2011 kl. 7:10 e.h. #

    Ég bara skil ekki hvernig á að vera hægt að banna mér að taka pening fyrir kynlífsgreiða. Getur einhver útskýrt hvernig í ósköpunum er hægt að réttlæta það?

    Ef málið er að engin myndi gera þetta nema út af neyð liggur í orðunum að vændið er ekki orsökin að neyðinni, ætti ekki frekar að finna leiðir til að uppræta alla þessa neyð??

    Mér finnst eins og þetta fólk sem grípur til aðgerða gegn vændiskaupendum í nafni þess að hjálpa konum sem neyðast til að stunda vændi sé ekki að gera neitt nema að upphefja sig sjálft án þess að vera tilbúin til að gera neitt til að hjálpa í raun og veru. Stoppa vændið (ímyndum okkur að það takist) en síðan fellur „systirinn“ í gleymsku og er í nákvæmlega sömu hörmungarstöðu og áður ef ekki verri.

  15. Paulie október 25, 2011 kl. 10:28 e.h. #

    Það er bara hægt að segja eitt um doktorinn….SNILLINGUR!!

  16. Davíð Stefánsson október 27, 2011 kl. 3:45 e.h. #

    Kæri Gunni, ég hef lengi dáðst að flestu sem þú skrifar. En þessi ömurlega rökfræði-dellu-kjaftæðis-fullyrðing þín um graðkarla er ömurlega ömurleg. Ég trúi varla að víðsýnn maður eins og þú trúi þessu í alvörunni – að hægt sé að alhæfa svona um helming mannkyns.

    Til að fella þessa kenningu þína þarf bara að finna einn karlmann sem er ekki graðkarl 24/7. Og hey, viti menn: Ég er hann! Ég elti ekki á mér tittlinginn alla daga, hvorki raunverulega eða í huganum.

    En úps, samkvæmt þinni kenningu þá er ég með „óeðlilega hormónastarfsemi“. Ég passa sem sagt ekki inn í kenninguna þína, en þá hlýt ég bara að vera að ljúga. Og kenningin þín stendur enn, af því að hún er svo rökfræðilega rugluð.

    Þetta er ódýr og hallærisleg yfirlýsing. Eða kannski þarf ég að fara að hugsa minn gang, jafnvel tékka á hormónunum?

    Bestu kveðjur, og gangi þér vel með graðkarlakenndir heimsins.

    Davíð.

  17. drgunni október 27, 2011 kl. 4:57 e.h. #

    Kæri Hr. Davíð. Alhæfingar verða aldrei annað en það: alhæfingar. Enginn með réttu ráði tekur mark á svoleiðis. Alhæfingin „allir karlar eru gangandi brundspýtivélar sem verða að losa, no matter what“ er jafn vitlaus og „allar hórur eru í raun hefí óhaminingjusamar og verður að bjarga frá ömurlegum örlögum sínum“ eða „allt klám er ofbeldi og gerir ekki annað en að niðurlægja konur“ – rétt?

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: