Jábbs. Þetta er hin mega næs Azealia Banks, tvítug söngkona og snillingur frá NYC, sem  ætlar að troða upp í Vodafone-höllinni 6. júní nk. Miðasala er hér, en miðarnir renna víst út svo best er að tryggja sér miða asap.

Ég er nú svo suddalega út úr því að ég vissi ekki hver þessi gella væri fyrr en í gær. Það er nebblega stundum verið að spila lag í spinning-tímum, sem mér fannst alveg frábært en vissi ekki með hverjum væri. Datt kannski í hug að þetta væri eitthvað nýtt með Ríhönnu. Fann hvergi þetta lag svo ég spurði vini mína á Facebook hvort þeir könnuðust við lagið þarna Ayo Ayo. Ég á svo þaulsvala vini að staðreynd málsins lá ljós eftir hálfa mínútu og um leið var ég skammaður smá fyrir gamalmennaskap því þetta æðislega lag kom víst út fyrir nokkrum mánuðum og allt.

Hér er þetta geðveikt frábæra lag, 212, á Youtube, lag sem er ferskara en allt rokk sl. 20 ára eða svo, enda þokkalega augljóst að rokk með hefðbundnum aðferðum er þokkalega staðnað í dag. Ekkert að stöðnun svo sem, ef það má hafa gaman að því.

Annað í útlendum músíkpælingum hérna megin er að náungi sem heitir Willis Earl Beal er ágætur. Þetta er strákur sem hljómar eins og blúsaður blökkumanna-Daniel Johnston (ekki geðveikur þó), eða indie-Skip James. Hann er búinn að gera samning við XL recordings og er að koma með fyrstu plötuna sína fljótlega (Acousmatic Sorcery). Tékkaðu á laginu Take me away á Youtube.

Önnur yfirmáta h&k stelpa frá NYC kallar sig Grimes og er með ágætis plötu í svona rafpopp Lykki Lu stíl sem heitir Visions. Hér er lag sem heitir Genesis.

Svo er hérna ágæt plata sem kom út í fyrra en ég gleymdi að hafa með í top10 uppgjöri ársins, platan is growing faith með einstaklingsbandinu White Fence frá SF eða LA. Aðalið heitir Tom. Platan hljómar reyndar eins og The Kinks eða Love á rítalíni, en er bara nokkuð skemmtileg. Tékkaðu á opnunarlaginu And as always.

Hér er svo ágætis grein um plötuna og umslagið.

Vita lesendur um aðrar popptengdar vefmyndavélar? Hvar ætti að setja upp popptengda vefmyndavél á Íslandi?

(Viðbót):

Ég var að fá áríðandi fréttaskeyti frá þeim:

La Blogotheque, sem þekktir eru fyrir að gera svokölluð Take away show með tónlistarmönnum, dvöldu á Íslandi yfir Iceland Airwaves tónlistarhátíðina 2011. Nú fyrir helgina var afrakstur samstarfs þeirra með Retro Stefson opinberaður á veraldarvefnum. Um er að ræða hálfórafmagnaða útgáfu af laginu Qween sem er eitt vinsælasta lagið á Íslandi í dag. Take away show gengur út á að taka allt upp í einni töku – bæði tónlist og mynd. Take away show eru oftar en ekki tekin upp á “sérstökum” stöðum og var engin breyting þar á í tilfelli Retro Stefson sem spiluðu í flugskýli á meðan flugvirkjar sinntu viðhaldi flugvélaga. Sjón er sögu ríkari!

http://www.blogotheque.net/2012/02/17/retro-stefson/
http://www.youtube.com/watch?v=vnkNK8C3TYM

Aðrar fréttir af Retro Stefson eru þær helstar að hljómsveitin er í hljóðveri að vinna að nýrri plötu sem kemur út síðar á árinu. Hljómsveitin mun koma fram á SXSW tónlistarhátíðinni í Austin í mars og heldur síðan í lengri tónleikaferð með vorinu þar sem hún mun m.a. spila í Englandi, Póllandi og Þýskalandi. Í sumar verða síðan helstu tónlistarhátíðir Evróðu sóttar heim.

Útlendingarnir flykkjast að, flestir á besta aldri. Mér sýnist þetta líta svona út, en kannski er ég að gleyma einhverju?

10.3 – Tiesto, Vodafone-höllin. Brjálað stuð. Ætli Jónsi mæti? Hann söng sem kunnugt er titillagið á plötu Tiesto, Kaleidoscope 2009. Hlustað á það hér.

21.4 – 10cc í Háskólabíói. Ég mæti. Toppband og það sleppur þótt það sé bara einn orginal eftir.

18.5 – James Taylor í Hörpu. Hef nú takmarkaðan áhuga á þessum, því miður.

10.6 – Elvis Costello í Hörpu. Vonandi deyr enginn svo hann komi loksins. Ég á miða. Best hefði verið ef The Attractions kæmi með honum en það er ekki alltaf bolludagurinn.

19.7 – John Grant í Háskólabíói. Þessi er auðvitað mikill meistari. Sá hann í Hörpu í fyrra svo ég nenni ekki að fara á þetta nema ef hann verður með band með sér.

22 og 23.6 – Jethro Tull flytja Thick as a brick í Hörpu. Mæti ef ég hef þroskað hjá mér smekk fyrir gömlum körlum í sokkabuxum að spila á flautu.

10.8 - Tony Bennett í Hörpu. Ég mæti ekki.

17.10 – Don McLean í Hörpu - Hef nú takmarkaðan áhuga á þessum, því miður.

31.10 – 4.11 – Airwaves - strax hægt að kaupa miða.

Nú svo eru innlendir jafnt sem erlendir aðilar alltaf hreint að riðlast á Queen-lögum út um allan bæ, sem er auðvitað hið besta mál.

Alls ekki má gleyma í þessari upptalningu þeim einstæða viðburði að hljómsveitin SVANFRÍÐUR ætlar að kombakka biggtæm í Austurbæ 14. apríl!!! Nú hef ég aldrei verið ofboðslega hrifinn af einu LP plötu sveitarinnar, What’s Hidden There?, sem kom út 1972. Af íslensku hipparokki er ég heitari fyrir Trúbrot, Óðmönnum og Icecross. Þetta er engu að síður merkileg plata sem hefur skotist í hæstu hæðir safnaramarkaðarins og hefur verið gefin út aftur, bæði ó- og löglega. Vel með farið orginal eintak fer á ekki undir 100.000 kallinum á Ebay. Þar sem þetta er svo einstakt og töff held ég að manni hreinlega beri siðferðisleg skylda til að mæta á þessa tónleika. Hlustið hér á flest lögin af plötunni á Youtube. Hér er brot úr fréttatilkynningu, sem Jónatan Garðarsson skrifaði:
Birgir Hrafnsson, Gunnar Hermannsson, Sigurður Karlsson og Sigurður Rúnar Jónsson, sem léku allir á plötunni What‘s Hidden There, ætla að heiðra minningu Péturs (Kristjánssonar, sem hefði orðið 60. á þessu ári) og fagna um leið 40 ára afmæli hljómsveitarinnar á tónleikum í Austurbæ 14. apríl næstkomandi. Þar verða rifjuð upp nokkur þeirra tökulaga sem nutu hvað mestra vinsælda í flutningi Svanfríðar auk þess sem öll lögin af plötunni What‘s Hidden There? verða leikin. Þórður Árnason gítarleikari og Pétur Hjaltested hljómborðsleikari  taka þátt í tónflutningum með Svanfríði en söngvararinn Eiríkur Hauksson mun taka að sér hlutverk Péturs ásamt söngvurunum Elvari Erni Friðrikssyni og Pétri Erni Guðmundssyni sem munu einnig sjá um að fylla upp í skarð Péturs W. Kristjánssonar.  

Betri verða ævintýramyndir varla en Hugo svo það er óhætt að gefa henni fjórar stjörnur. Hann Sasha Baron er meira að segja í henni. Nýjasta mynd hans The Dictator verður frumsýnd í maí, en svo er hann núna að leika Freddie Mercury í væntanlegi biopic. Allt að ske semsagt. En allavega. Ef þú hefur ekki séð Hugo ennþá þá mæli ég með henni!

Einn eiganda  er Siggi sem er líka með SuZushi í Kringlunni. Hann segist hafa fengið hugmyndina að Roadhouse eftir að hafa séð sjónvarpsþættina Diners, Drive-ins and Dives á Foodnetwork. Hef ekki séð þessa þætti en þeir lúkka ræt upp mæ allei. Þar sem ég er dænerdjönkí er þetta klárlega pleis fyrir mig. Kaninn á mér er kjaftur og allt það. Okkur var vísað í bás og við tók djúsí matseðill, blautur úr prenti:

Eins og sést (amk ef þú stækkar myndina) er allskonar gúmmilaði í boði á samkeppnishæfu verði. Fjórar tegundir af allskonar reyktum rifjum, sex borgarar og svo allskonar á hinni hliðinni líka. Þarna verður hægt að drekka rótarbjór með matnum og hnetusmjörs-sjeik verður í boði. Best er auðvitað að maturinn er ekkert forunninn. Þetta er allt ferskt og gert á staðnum. Ég er svo beisik að ég fékk mér bara fyrsta borgarann á listanum, The Roadhouse:

Hann var hrikalega góður og frönskurnar ekki síðri, enda handmade á staðnum. Þetta eru bestu frönskur á landinu! Boðið er upp á tómatsósu frá Val, sem er sko alveg málið.

Kökuvagninn rann í hlað og ég gúffaði í mig eplapæ en Lufsan fékk sér Pecanköku. Allt var eins og blómstrið eina.

Búið er að gera gömlu sjoppuna (og enn eldri áfengisverslunina) mjög huggulega. Staðurinn er fullur af amerískri memórabillíu eins og svona staðir eru jafnan, Chaplin mynd var varpað á vegg og úr poppvél fengu gestir popp á meðan þeir biðu eftir matnum.

The Roadhouse fær auðvitað fjórar stjörnur enda alveg magnaður. Og verður eflaust bara betri því það var smá hik á mannskapnum í þessari tilraunamáltíð. Til hamingju!

Ringo (71 árs) kallar sína Ringo 2012. Þetta er 17. platan hans. Hann býður upp á níu lög, tvær nýjar útgáfur af gömlum lögum úr eigin fórum (Wings og Step Lightly) og tvo ellismelli, lögin Rock Island Line og Buddy Holly lagið Think it over. Allskonar bransahundar hjálpa karli, eða í stafrósröð: Michael Bradford, Ann Marie Calhoun, Matt Cartsonis, Steve Dudas, Charlie Haden, Amy Keys,  Kelly Moneymaker, Richard Page, Van Dyke parks, Kenny Wayne Shepherd, Dave Stewart, Bruce Sugar, Benmont Tench, Joe Walsh , Don Was og Edgar Winter. Gamli fer á túr í sumar (sjá heimasíðu hans) en það eru allt gigg í Ameríku.

Hér á Youtube er Samba, sem Ringo samdi með þeim gamla grána Van Dyke Parks.

Paul (69 ára) kallar sína Kisses on the Bottom. Þetta ku einfaldasta plata Páls sándlega síðan hann gerði McCartney 1970. Á þessari 16. sólóplötu tekur hann 12  gamla ameríska djasstíma standarda og tvö frumsamin. ”I worked with Diana Krall, and great jazz musicians like John Clayton. This is an album very tender, very intimate. This is an album you listen to at home after work, with a glass of wine or a cup of tea,” segir hann. Karlinn er alltaf eitthvað spila, tékkaðu bara á heimasíðunni hans.

Hér er lagið My Valentine sem er eftir Pál sjálfan. Hann samdi það fyrir nýju konuna, Nancy Shevell, sem vonandi er ekki jafn mikil tík og sú einfætta. Hér er gamli að gifta sig 2009:

Það hlýtur að vera skýr krafa á íslenska tónleikahaldara að þeir reyni eins og þeir geta að fá þessa meistara til landsins til tónleikahalds, saman eða sitt í hvoru lagi. Þeir eru hvort sem er „alltaf“ að flækjast hérna.

Knapar er gott nafn á hljómsveit. Eða Knaparnir.

Kleprar er líka ágætt nafn á band, það er samt meira pönk. Kleprarnir væri líka ágætt.

Dálítið gott nafn er Klepraðir knapar. Myndi samt virka illa í meiki.

Guðbergur Bergsson kom með tvö frábær hljómsveitarnöfn í bókinni Sagan af Ara Fróðasyni og Hugborgu konu hans – hljómsveitarnöfnin Úldinn skítur og Steiktir naflar. Ég hélt að Gubbi væri uppfullur af svona sniðugum hljómsveitarnöfnum og skrifaði honum bréf þar sem ég óskaði eftir tillögu að nafni á nýtt band sem ég var að stofna (líklega Unun). Hann afsakaði sig og sagðist ekki eiga neitt nema kannski “Radd-bandið”. Vonbrigði! En reyndar bara í eina skiptið sem ég hef orðið fyrir vonbrigðum með Guðberg (meistarinn er nú kominn á Eyjuna með dúndurgáfulegan skæting).

(Alþýðublaðið 1954)